Los establecimientos de Xixón foron reconocíos esti mes de marzu col sellu “Compromisu calidable turísticu” consiguiendo un sobresaliente en calidá del serviciu.
Xixón Calidá Turística presentó al sector les resultancies del estudio “Calidá del Serviciu n’Empreses Turístiques de Xixón 2016”, onde se rexistren les meyores valoraciones de los postreros 7 años. L’estudiu incorpora per primer vegada una comparancia ente empreses distinguíes col sellu “Compromisu calidable Turística” y les que nun disponen d’él, reflexando les ventayes de pertenecer a esti sistema calidable.
Tal que vien faciéndose dende 2010, los más de 200 establecimientos, identificaos cola imaxe del distintivu fueron oxetu d’evaluación so la metodoloxía Mystery Shopper pa conocer el grau de cumplimientu de los manuales de bones práctiques qu’empobinen a cada sector escontra’l prestu total del veceru. Como novedá, l’estudiu realizáu en 2016 inclúi una comparanza con establecimientos que nun trabayen colos estándares del programa de calidá, llogrando un analís global del destín y una comparancia qu’amuesa los beneficios directos del sistema calidable nos establecimientos distinguíos.
La valoración global media asitiase en 91 puntos, el meyor datu de la serie histórica amosando una progresión más que favorable, pos en 2010 la puntuación llograda foi de 73 puntos. La media llograda en 2016 pa los establecimientos que nun disponen del sello “Compromisu calidable Turísticu” ye de solu de 83 puntos, lo que reflexa les ventayes de pertenecer a esti sistema de calidá.