Por cuenta de la celebración el 1 de marzu del II Alcuentru d’Alcaldes Innovadores de la Rede Innpulso en Madrid, l’Ayuntamientu de Xixón quier escoyer una PYME que represente a la ciudá, abriendo un plazu de presentación hasta’l 7 de febreru.
La ciudá de Xixón ta reconocida al igual qu’otres 50 ciudaes españoles más, col distintivu “Ciudá de la Ciencia y la Innovación”, sellu que lu estrema dende 2010 y qu’apocayá anováu, demostrando siempres un importante esfuerzu y compromisu cola innovación.
Ye por eso, y acordies con diches prioridaes, que se convoca un concursu para la selección de la Pyme Innovadora que representará a Xixón nesti alcuentru, nel cual van participar empreses provenientes de toles ciudaes miembros de la Rede Innpulso, y que va tener llugar en Madrid en La Nave el próximu día 1 de marzu.
Esti concursu ta destináu a nueves empreses con un altu componente d’innovación (productu, procesos, modelu de negociu…) y que tien un ambiciosu plan de crecedera, siendo capaces de xenerar riqueza nel nuesu territoriu. Amás, tendrán de desenvolver proyectos innovadores d’especial importancia para l’afitamientu del texíu empresarial y que tean alliniaos colos Retos de la Sociedá recoyíos na Estratexa Española de Ciencia y Tecnoloxía y de Innovción 2013-2020, d’acordies col Programa Marco Horizonte 2020 de la Unión Europea.
La empresa que resulte escoyida, amás de la elevada torna en comunicación por cuenta de la posición en que la Rede Impulso, dependiente del Ministeriu d’Economía y Competitividá, va asitiar a les empreses escoyíes en medios de comunicación y redes sociales, va tener la oportunidá de representar a Xixón, ensin nengún tipu de costu para ella, nun Alcuentru que va axuntar a más de 50 talentos entamadores de distintos puntos de la xeografía nacional, creando un escaparate inmeyorable para amosar el so proyectu y aprovechando oportunidaes úniques de networking.
El plazu para presentar candidatures remata esti 7 de febreru de 2017. Les memories van deber de ser presentaes al traviés del corréu innovaciongijon.es