Non solo’l númberu de millonarios, esto ye, persones con un patrimoniu líquidu superior al millón de dólares estadounidenses, aumentó en 2016, sinón tamién la suma total de la so riqueza.
Asina, mientres la cantidá de ricos foi l’añu pasáu un 7,5% mayor a la de 2015, el total de la so riqueza xorreció un 8,2%. Esta infografía de Statista amuesa un exemplu paradigmáticu d’esti enclín. Y ye que, nengunu de los nueve países con más millonarios del mundu nin tampoco España (na posición númberu 14) rexistró menos ricos que nel exerciciu anterior, aumentando esta cifra ente un 2% y un 11% en toos ellos.
Per otru llau, según el ‘World Wealth Report 2017 de Capgemini’, Estaos Xuníos yera en 2016 el país con más ricos, con un total de 4.795.000, siguíu de Xapón, con 2.891.000. N’España moraben nesi momentu 202.000 persones con un patrimoniu mayor al millón de dólares estadounidenses.