So la organización de la Fundación Municipal de Cultura y Avilés Acción vuelve’l cine familiar y gratuito a los barrios d’Avilés con nueve proyecciones a lo llargo de los meses d’ochobre, payares y avientu. Va Tener llugar nos centros socioculturales de Los Canapés (Versalles) y La Carriona, según na biblioteca de La Lluz.
El ciclu cunta con trés películes que se van proyectar nos trés centros, siendo un total de nueve proyecciones. Les películes programaes son A tou tren. Destino Asturies, El techu del mundu y Solo en casa. Toles proyecciones van ser a les 18:15 hrs, con entrada gratuita, hasta completar aforu.
N’este’l so segundu añu, el ciclu de cine familiar nos barrios d’Avilés busca consolidase col respaldu d’un públicu que, de manera siguida, va aumentando n’asistencia en cada proyección. La llínea de la programación caltiense dirixida a públicu familiar, siempres procurando que los títulos tresmitan valores educativos positivos para’l públicu más nuevu.