Villaviciosa celebra la Nueche de San Xuan n’Amandi

Nel Campu San Xuan d’Amandi, en Villaviciosa celébrase una fiesta de prau, a la oriella del ríu, xunto a la ponte medieval y la ermita del Santu. Un espaciu mui especial nel que pela tarde va celebrase una xira a la que da pasu una verbena. A media nueche, báillase la Danza de San Xuan d’Amandi alredor de la foguera, col sofitu, nesta ocasión del Grupu Folcklóricu “Villaviciosa”. La folixa sigue darréu hasta l’amanecer.