«Tenemos que ser una universidá más presente y de referencia n’Iberoamérica». Asina lo aseguró ayeri’l rector de la Universidá d’Uviéu, Ignacio Villaverde, apostando por una plataforma estratéxica d’universidaes iberoamericanes.
El rector anunció la so intención de que la institución tenga un papel importante nel proyectu d’un ‘erasmus iberoamericanu’, que dexe l’intercambiu d’estudiantes ente España y América. Villaverde adelantrolo tres axuntase col embaxador de Paraguay n’España, Ricardo Scavone.
L’embaxador calificó de proyectu perinteresante esi ‘erasmus iberoamericanu’. «La Universidá d’Uviéu ye un referente históricu pa Iberoamérica porque dende equí empezó a pensase en conocer dende España meyor a América», señaló.