Francisco Javier García Valledor, diputáu d’IX-BA-Verdes, denunció esta mañana’l cambiu nel modelu de xestión del Parque Natural de Somiedu, el primer parque natural declaráu n’Asturies, qu’agora cumple los sos primeros 20 años d’esistencia. La modificación del modelu supón un xiru importante, en diferentes ámbitos, qu’atenten escontra los oxetivos de defensa del mediu ambiente colos que foi creáu. Na rueda de prensa desgranó diferentes asuntos qu’exemplifiquen esti cambiu, tanto per parte del Ayuntamientu de Somiedu, como per parte de la propia alministración rexonal.