La fiesta gastronómica tradicionla d’Uviñéu va entamar el día 16 y va allongase hasta’l llunes, 19. El programa d’actividaes, amás del tradicional menú, va incluyir esta edición dos gales de maxa gratis y teatru poles cais del cascu antiguu.
El conceyal de Turismu, Rubén Rosón y la concejala de Participación, Ana Taboada presentaron esti martes los actos del Desarme al que calificaron como “una fiesta yá consolidada n’Uviéu y qu’anguaño va ser entá más participativa”. Nesta edición los díes 17, 18 y 19 d’ochobre va representase nes cais de la capital un espectáculu itinerante pa representar les guerres carlistes. Va desenvolvese tolos díes, de 12 a 14 hores, nun percorríu pola Plaza del Conceyu, Trascorrales, la plaza de la Catedral, la de Porlier y la de Riego pa depués tornar otra vuelta a la Plaza del Conceyu.
Ente les novedaes d’esti añu alcuéntrense tamién dos gales de maxa programaes los díes 16 y 18, cola Asociación Uviéu Máxicu. La primera d’elles va tener llugar a les 19.30 hores, el vienres, nel Auditoriu magar una hora y media antes va haber animación infantil. La segunda va ser el domingu, día 18, nel Teatru Pumarín, a les 18.30 hores. Dambes sesiones van ser gratuites.
Na presentación tuvo tamién el presidente de la Confrería del Desarme, Miguel Ángel de Dios; amás del director de la compañía teatral Marxe, l’actor José Lobato y del vicepresidente de la Sociedá Uviéu Máxicu (SOM), Víctor Luis Alonso, axentes que van participar nel programa d’actividaes del Desarme 2015.