Uviéu entama un Campus dedicáu al Cómic nes biblioteques

La conceyalía d’Educación d’Uviéu entama una actividá pionera esta Selmana Santa nos díes non lectivos pa sumar a los proyectos de conciliación que se tán entamando dende otres árees municipales, como la de Centros Sociales. El Cómic Camp va tener llugar los díes 29, 30 y 31 de marzu para neños de 6 a 12 años, en  grupos amenorgaos de diez.

Van Ser trés les biblioteques qu’acueyan estos talleres, la de la Granxa, la de Ventanielles y la de la Corredoria, n’horariu vespertín de 16 a 20 hores. El plazu para inscribise nesta actividá empieza güei,  10 de marzu, al traviés de la web municipal www.oviedo.es/biblioteques o nel mail coordinacionbibliotecasoviedo.es.

Los alumnos qu’asistan van aprender, ente otres coses, la técnica d’ellaboración  de los cómics, cómo se faen los guiones y viñetes, l’usu de sinónimos, nun  programa que pivota en redol a la lliteratura infantil, concretamente, los  xéneros de manga y de superhéroes.

La conceyala d’Educación y Centros Sociales, Lourdes García, señala que “esta actividá inédita ye una apuesta más por favorecer la conciliación familiar en periodos non lectivos con un formatu curiosu pa los más pequenos”. Tratase de que se presten aprendiendo, nesti casu al traviés de la llectura y escritura nuna disciplina que los encantar como son los cómics.