El Geolodía, que se celebraba n’Uviéu’l domingu, 15 de mayu, algamó dar a conocer de forma lúdica’l patrimoniu xeolóxicu que nos arrodia.
A nivel estatal, el Geolodía celébrase realizando más de mediu centenar d’escursiones simultánees, nes que l’añu pasáu participaron 9.000 persones. La cita celebrase n’Asturies dende 2010, rexistrando na so última edición 400 participantes nuna escursión pola redolada de Antromero.
Anguaño y como novedá, la escursión divulgativa desenvolviose dientro d’una ciudá, la d’Uviéu, coles mires de dar a conocer con qué piedres ta construyíu’l cascu antiguu, cómo fueron evolucionando y qué s’hai de faer pal so caltenimientu.
Pa participar nel Geolodía, namái yera necesario allegase a la Plaza de la Catedral a partir de les 9:30 hores, onde una quincena de voluntarios constituyíen diversos grupos pa participar nuna escursiónque duraba unes dos hores y media.