Uviéu celebra’l 8 de Marzu con decenes d’actividaes pa reivindicar el lideralgu femenín y un actu institucional vque a tener llugar el martes a les 12:30 hores, nel Campu San Francisco, frente al Carbayu de la igualdá.
L’actu va consistir na llectura d’un manifiestu, un homenaxe floral dedicáu a toles muyeres, la intervención de la empresaria Charo Gómez Faes y l’actuación de les muyeres de la Real Banda de gaites Ciudad d’Uviéu.
La conceyala Conchita Méndez, señaló que’l 8M “ye’l momentu pa la reflexón y l’analís, pero tamién pa celebrar con ilusión un futuru, cada vez más cercanu, nel que la igualdá de xéneru sía un fechu definitivamente enllantáu na nuesa sociedá. Por ello, dende la Conceyalía de Polítiques Sociales plantegemos xuna campaña de comunicación bien especial. Anguaño, queremos celebrar el día 8 de marzu, poniendo’l focu d’atención nos esfuerzos de toles muyeres que lluchen pa ser lo que quieren y pueden ser, pa tomar les sos propies decisiones, pa cuntar ente les vanguardies que deciden sobro’l futuru, y pa camudar y modificar los aspeutos de la realidá que nos torgar avanzar. Nesta llínea proponemos xuna imaxe de muyer dinámica y enérxica, que camina sobro les bases del esfuerzu y la constancia nel trabayu, na educación y na vida.”
La conceyala Méndez dio cifres. A lo llargo del añu 2021, na Casa d’acoyida pa víctimes de violencia de xéneru fueron atendíes 145 persones de les cualos tuvieron qu’ingresar 110 muyeres y menores. Y l’asesoría psicolóxica tuvo un total de 1.197 consultes realizaes por 398 muyeres, de les cualos 238 muyeres allegaron per primer vegada a esti serviciu. D’elles, 199 muyeres fueron atendíes por problemes psicolóxicos derivaos de carecer violencia de xéneru y malos tratos. L’asesoría xurídica atendió 1.132 consultes de 964 muyeres, de les cualos 591 consultes fueron de violencia de xéneru de 507 muyeres. Por tollo, entendemos que güei más que nunca ye importante incidir na importancia de tomar decisiones pa tresformar la realidá”.
La so compañera, la conceyala Leticia González, sorrayó que “l’actu institucional va tener llugar el día 8 a les 12:30, nel campu de San Francisco frente al Carbayu de la igualdá. Va consistir na llectura del manifiestu poles autoridaes locales, un homenaxe floral dedicáu a toles muyeres, y l’intervención de Charo Gómez Faes, conocida empresaria d’amplia trayectoria y impulsora d’iniciatives de emprendimiento y formación empresarial bien importantes pal nuesu conceyu. Finalmente va cerrar l’actu’l grupu de muyeres de la Real Banda de gaites Ciudad d’Uviéu”.
Leticia González tamién adelantró dalgunes de les actividaes más relevantes, que pueden consultase se na axenda del 8M de la páxina web Municipal
Nel Centru Municipal de la Muyer, van ufiertase delles representaciones de teatru-foru destinaes a les muyeres de la casa d’acoyida, al cargu de la actriz Beatriz Alvarez de l’Asociación los Glayus. Nel palaciu de Congresos y esposiciones, la psicóloga del Centru de la Muyer, Charo Alvarez Alvarez, va ufiertar el ciclu de conferencies “Mujer y salú emocional y social” abiertu a toles persones comenenciudes, y nel mesmu actu va presentase’l programa de sofitu emocional y social” pa muyeres de la psicóloga y coach esperta en violencia de xéneru Tamara Fernández García. A lo llargo del mes de marzu, con una frecuencia selmanal, van podese visionar curtios rellacionaos cola igualdá que se van xubir a la páxina municipal dende’l día 15 de marzu. Igualmente, en formatu online podrá aportase a la edición dixital del Club de llectura coeducativo” de les aules infantiles de sofitu familiar y escolar. Per otra parte, cuntando cola collaboración del profesoráu del IES de la Ería, tán impartiéndose dende febreru hasta abril sesiones de mentoring pa la formación y acompañamientu del innovador grupu d’igualdá adolescente del IES de la Ería.
Dende’l Plan d’Infancia y adolescencia del Conceyu, conocíu como PIOVI, indicó la conceyala González, “ta entamándose un Alcuentru Local de los grupos de participación infantiles y adolescentes d’Uviéu que va tener llugar tardar del 16 de marzu nel Palaciu de Congreso Exposición. Asina mesmu, na galería del Palacete de la Lila van quedar espuestos los sos trabayos y creaciones artístiques realizaes polos mozos y moces de los grupos con motivu del Día Internacional de la Muyer”.
En collaboración col centru educativu la Quinta’l Texu, dende’l mes de marzu a mayu “van llevase a cabo talleres de formación en metodoloxía Montessori, dirixíos a los equipos educativos de les asociaciones que trabayen con infancia y adolescencia”, indicó la responsable municipal de Polítiques sociales.
Dende Mocedá. “Como tolos años, la Oficina Nueva va collaborar nel espardimientu de la campaña y de les actividaes municipales al traviés de les Redes Sociales amás d’editar el so boletín especial. En collaboración cola fundación CESPA-Proxecto Home, va realizase un bookcrossing en formatu virtual y presencial cola lliberación de publicaciones dixitales ya impreses d’obres de distintes autores. Nel Centru de Música Nueva Pedro Bastarrica”, l’alumnáu va ensayar y va grabar una tema de AMY WHITEHAUSE. Pela so parte, dende l’Hotel d’Asociaciones, va ufiertase a lo llargo del mes la presentación Multimedia “XUNA IMAXE=MIL PALABRES” con propuestes de distintes entidaes sobro imaxes que representen la igualdá. Nel centru Xuvenil de Santullano, los díes 15 y 16 de marzu, va tener llugar el taller pa nuevos “feminismu pa primerizos””, sorrayó Leticia González.
Dende la Área de Deportes, entamóse una mesa redonda sol títulu MUYER Y DEPORTE que cuntó cola collaboración de la área d’educación y los centros educativos del conceyu. Va tener llugar el día 8 de marzu a les 10:00 de la mañana na sala principal del PEC. A la mesma van allegar escolares del conceyu y la mesa redonda va rexuntar a deportistes, entrenadores, campeones y medallistas de distintes especialidaes deportives como Yudu, Balonmano, Atletismu o voleibol. La mesa va ser moderada pola periodista Cristina Gallu dempués del visionado del video “campeones invisibles”
Entamáu pola Fundación Municipal de Cultura y Uviéu Filarmonía va ufiertase’l día 10 de marzu a les 20:00 nel teatru Campoamor un conciertu con un ampliu repertoriu d’obres tituláu “En clave de Muyer”,
L’área económica va presentar a lo llargo del mes de marzu y abril una interesante campaña de comunicación sobro Muyer y Emprendimientu, que va tener como actividá presencial una Xornada de COWORKING, cola collaboración y asistencia de muyeres entamadores del conceyu. El centru de formación ocupacional ta llevando a cabu dende febreru diverses iniciatives, como un concursu de pintura y otru de relatos curtios sobro la igualdá d’oportunidaes, en collaboración colos centros educativos de primaria y secundaria del conceyu. Per parte del alumnáu y profesoráu del proyectu Uviéu ciudá grana van collaborar como tolos años colos actos institucionales ellaborando chapes conmemorativas del 8M.
Pa Rematar, na Rede de Biblioteques van tener lugar exposición bibliográfiques sobro muyeres y testimonios de muyeres asturianes, y diverses charres sol títulu xenéricu “educamos n’Igualdá”. Amás van impartise talleres sobro “Muyer y ciencia” pa neños y neñes a partir de 7 años, acompañaos por un adultu, el día 12 nes biblioteca “José María Laso Prieto”, y nes de Vallobín y la Granxa, los díes 18 y 19 de marzu.
Finalmente, dende la conceyalía de Polítiques sociales, coles mires d’incentivar a les moces estudiantes la elección de carreres tecnolóxiques y científiques, va collaborase cola campaña de sensibilización promovida pola FADE y CTIC “LES CARRERES S.T.Y.A.M. TAMIÉN SON FEMENINES” (Ciencies, Tecnoloxíes, Inxenieríes, Artes y Mathematicas)