Dende esti vienres 16 de payares y hasta’l 7 de xineru ta disponible en Xixón l’amuesa colectiva de videoarte “Signos de Ciudad” que se cellebra paralelemente al Festival Internacional de Cine de Xixón. Segun informó’l Conceyal de Cultura de Xixón, Justo Villabrille l’amuesa repasa dellos aspectos de la ciudá al travies de los videos de diecisiete autores como Jennifer Allora, Alex Campoy, Dionisio González, o Tomás Muñoz. Los trabayos seleccionaos pa la ocasión puen vese na sala 2 del Centru de Cultura Antiguu Instituto y na Galería Espaciu Líquido, organizadora tamien del eventu.