Más d’un venti per cientu d’alumnos de primaria sufren acosu escolar, lo que supón casi’l doble que’l nivel d’acosu que se rexistra anguaño en secundaria.
Según Andrés González Bellido, autor y coordinador xeneral del programa Tutoría ente Iguales (TEI) pa la prevención de la violencia y l’acos euscolar n’España, envalórase que “más d’un venti per cientu d’alumnos de primaria sufren acoso escolar. Esto supon casi’l doble que’l nivel d’acoso que se rexistra en secundaria”.
González Bellido, catedráticu de Psicoloxía y Pedagoxía, participa al pie de otros espertos na puesta en marcha del programa TEI n’Avilés. Dende ayeri y hasta 16 de payares, el Centru de Profesoráu y Recursos d’Avilés acueye la primer fase de la formación previa a l’aplicación del programa nos centros escolares. Mientres esti periodu, docentes de 16 centros públicos d’educación infantil, primaria y secundaria d’Avilés y contorna van recibir conocencies y recursos pa l’aplicación del programa municipal que’l so principal oxetivu ye fomentar la convivencia y prevenir la violencia y l’acoso escolar. Amás, Avilés ye pionera na ampliación d’esta metodoloxía a la etapa infantil.
La segunda fase va tener llugar del 11 al 14 d’avientu y va dedicase a l’adecuación de los recursos y materiales a les necesidaes de cada centru. En xineru de 2018 va empecipiase la tercer fase, mientres la que se va estender la formación a los demás axentes sociales arreyaos, como’l personal non docente de los centros, les families o la Policía Local. A los padres va informáse-yos sobro los primeros síntomes que pueden indicar que los sos fíu pueda ser víctima d’acoso, baltes como “nun querer dir al colexu, baxada de notes, aumentu de l’ansiedá, que puede llegar a carecer el llamáu ‘síndrome del llunes’, con procesos de foria, cefalees qu’apaecen sobremanera’l llunes pela mañana”, asegura González Bellido.