L’artista alemán Daniel Völker creó una semeya del presidente estadounidense, Barack Obama, con 3.600 sellos postales, ente ellos dalgunos de Abraham Lincoln, decimosestu presidente estadounidense y que lluchó por abolir la esclavitú n’EEXX.
El muséu itinerante ItiMa (The Itinerant Museum of Art) distribuyó esti miércoles la imaxe con motivu del cumpleaños d’Obama, que ye esti xueves, 4 d’agostu. Lincoln “allanó el camín a persones de too orixe cultural y racial por que suañaren con aportar a presidente d’EEXX”, según ItiMa.
Völker (1977, Frankfurt) denomina píxeles analóxicos la técnica utilizada nesta obra titulada Barack Obama, 2012, que ye un mosaicu de gran formatu realizáu colos 3.600 sellos postales. ItiMa y CAFÉ FOR CHANGE, fundáu por Fernando Morales de la Cruz, tamién crearon con motivu del cumpleaños d’Obama unes taces nes qu’apaez impresu la semeya realizada por Völker.