Últimos díes p’apuntase a la prueba de conocencia d’asturianu

Yá queden pocos díes pa inscribise na prueba de conocencia básica de llingua asturiana, qu’organiza l’Academia de la Llingua pa toles persones interesaes n’acreitar el so nivel de conocencia del asturianu.

La prueba va facese’l sábadu 29 de mayu, con una estaya llingüistica y una estaya de llingua y sociedá, y cuntando, amás, con parte escrita y falada.

Los interesaos pueden apuntase n’alla@asturnet.es, nel llar de l’Academia, cai Marqués de Sta Cruz, 6-2º-Uviéu o nel teléfonu 985 211 837, hasta’l xueves 27.