La banda irlandesa U2 confirmó que van llanzar el nuevu álbum Songs of Experience el próximu añu 2017 y que va dir acompañáu d’una xira.
Esti trabayu va suponer la continuación del so anterior álbum Songs of Innocence (llanzáu nel añu 2014). El guitarrista The Edge yá reveló apocayá que la banda cunta con más de 50 cantares pa la nueva publicación, según recoyó Europa Press de NME.
Nuna visita recién a Valencia, Bono confirmó a un grupu de fans que l’álbum nun taba termináu magar aseguraba que-yos diba a gustar“. “Dende’l puntu de vista de les lletres, tien más fuerza qu’el nuesu álbum de 1983 WAR”, aseveró. Coles mesmes, yá esplicó qu’habría una nueva xira pal 2017 y de la que se sabríen más coses “a partir de setiembre o ochobre”.