Trescorrales acueye la IX Feria Nacional de Cerámica Creativa, qu’inaugurabase esti vienres y va amosar la obra de catorce espositores hasta’l domingu. Un total de 14 espositores y 2 puestos colectivos participen anguaño na nueva edición d’esta Feria que se realiza en collaboración cola Fundación Municipal de Cultura.
Na edición d’anguaño participen seis espositores de l’agrupación de ceramistes que yá participaron n’ediciones anteriores, y qu’alleguen con una propuesta anovada, que son Florentino Iglesias Vega-Laborna, Charo Visos Carbajo, Victor Manuel Da Xibla, Cécile Brillet, Alicia Güerta Orviz y Natalia Suarez-Woodic, amás de dos ceramistasque presenten los sos trabayos nesti eventu per primer vegada, Inés Rodríguez Casu-Afalagu cerámica y María Antonia Suárez Cueva-Toin. Amás, dende Asturies, tamién van participar la galería d’arte “2 Ajolotes” que representa al artista Ángel Domínguez Gil, Begoña Vega Morán que presenta la so obra per primer vegada nun monográficu de cerámica y la Factoría Cultural d’Avilés, que participa como patrocinador del eventu y que, como n’años anteriores, presenta les obres de dos de los sos alumnos.
De fora d’Asturies, participen Raquel Ferreros, de Cantabria, Susana Pérez Llorente, de Galicia, y Mercedes Lirola Ortega, de Granada. Como yá asocedió na edición anterior, por cuenta de la pandemia, queden suspendíes les actividaes paraleles como charra guo conferencies.
Amás, como vien siendo habitual, l’Agrupación de Ceramistes d’Asturies vien apurriendo un premiu d’agradecimientu a aquelles persones, o organizaciones, que collaboren col impulsu y desenvolvimientu de la cerámica. Anguaño, el premiu recai en Teresa Lafragua y en Xabier Santxotena, n’agradecimientu a la so collaboración ya impulsu a esta feria y la promoción que faen de nueves obres cerámiques para’l so taller-muséu Santxotena en Arzinaga.