TPA cumple dos años y yá supera n’audiencia a les llocales, la Sexta, la 2 y Cuatro

La televisión pública asturiana algamó yá un 7,23% de share, cuando fai dos años del entamu de les sos emisiones. La canal autonómica llega al 98,82% del territoriu d’Asturies y consiguió nel mes de mayu un 7,23% de share, colo que se pon per delante del conxuntu de toles televisiones locales, que tienen el 3%, de la Sexta col 4,9%, la 2 col 5,2% y Cuatro que consiguió un 7,22% n’Asturies.

La cadena lleva emitíes dende’l primer día d’emisiones regulares 11.595 hores de programación, de las que 3.270 foron n’asturianu. Anguaño trabayen pa la radiotelevisión autonómica 711 trabayadores y 44 empreses, de les que 26 son productores de programes y, 24 d’elles asturianes, siempres según datos de la RTPA.

N’estes bones audiencies tuvieron muncho que ver les hores emitíes n’asturianu, que doblaron n’audiencia a les de los programes en castellán.