Toli Morilla lleva los cantares de Bob Dylan al Tierra Astur de Cualloto

Toli Morilla lleva los cantares de Bob Dylan al Tierra Astur de Cualloto esti xueves día 21 d’ochobre dientro de los conciertos-espicha d’esti establecimientu.

El cantautor asturianu va ufrir un conciertu colos temes que componen el so últimu trabayu discoráficu, dedicáu a facer versión de “Diez canciones de Bob Dylan n’asturianu”.

Nel discu apaecen temes como «Sara» o «Knockin’ on heaven’s door», con dellos cambios autorizaos pola discográfica de Dylan.

Toli Morilla asoleyare hasta agora cinco discos, dellos en castellán, con temes n’asturianu, y otros defechu n’asturianu: “Entropía” (2006), “Nueche d’insomniu: L’espectáculu” (2005), “Nueche d’insomniu” (2004), “Entre el barro y las preguntas” (2003) y “Nunca des la espalda” (1998).