Tierra Astur, negociu hosteleru bien comprometíu cola difusión y promoción de la cultura asturiana, ufre una nueva selmana mas otra edición de los xueves musicales cola participación, nesta ocasión, de La Bandina La Curuxa. Los ovetenses van amenizar la velada, dende les 21:30 hores, a los comensales que s’averen al restaurante de Cualloto colos temes que componen el so primer trabayu discográficu que lleva por nome “De camín”. La Banda La Curuxa trabaya sobre manera’l repertoriu tradicional pensáu pal baille.