La Sidrería Tierra Astur de Cualloto cuenta ufiertar el prósimu día cuatro dagostu un conciertu mui especial: una xornada dedicada a la música asturiana que se fai na emigración, con trés bandes procedentes de fuera de les nuestres fronteres. Dientru los sos conciertos de los xueves van actuar Fardaxu,Folixa y Risca l’Alba.
Sigún cunta’l portal web de l’Axencia Asturiana d’Emigración, Emigrastur, FARDAXU ye un grupu que vien dendel Centru Asturianu de Buenos Aires y que cuenta con dos producciones discográfiques. El so repertoriu compónse de recreaciones mui particulares de la música tradicional asturiana, onde los ritmos más populares entemécense con influencies dotros característicos daquella tierra.
FOLIXA tamién lleguen dende lArxentina, concretamente del Centru Asturianu de Mendoza, y nestos momentos ta acabandol que va ser el so primer discu. De soníu totalmente acústicu, nótase nellos la influencia de los grupos folk asturianos más importantes.
Y RISCA LALBA son los más cercanos, ya que se formaron nel Centru Asturianu de Barcelona. La so música básase fundamentalmente na de les bandines tradicionales, que tanto auxe tán teniendo últimamente nAsturies, anque nun olviden tampoco les melodíes del restu de países celtas.
Los xueves musicales programaos na sidrería Tierra Astur de Cualloto vienen celebrándose tol veranu. Dalgunos de los grupos punteros de la escena folk asturiana vienen desfilando pel escenariu de l’antigua Fábrica del Águila, convertida anguañu en llagar-restaurante dende qu’entamaren el 7 de xunetu Llangres, a los que siguieron La Bandina’l Tombo el día 14, el tríu tradicional de voces y percusión formáu poles cangueses González, Maribel Cangas y Noelia Prieto el xueves 21 y los alleranos Tarañu programaos pa esti 28 de xunetu.