Dende que WhatsApp anunciara un cambéu na so política de privacidá pa dexar que se compartieren más datos de los usuarios cola so empresa matriz, Facebook, Telegram y Signal vienen beneficiándose de la fuxida d¡usuarios.
Por cuenta de les quexes y a la fuga de dalgunos de los sos usuarios, WhatsApp decidió retardar l’actualización de la so política d’intercambiu de datos privaos hasta mayu. A principios de xineru, la empresa anunciara un cambéu na so política de privacidá pa dexar que se compartieren más datos de los usuarios cola so empresa matriz, Facebook. De magar, millones de suscriptores empezaron a migrar a otres aplicaciones qu’ufierten encriptación de mensaxes y otres característiques empobinaes a la privacidá.
Dos servicios en particular destacaron nos últimos díes: Telegram y Signal. Como amuesa la siguiente infografía, ellaborada con datos de Airnow Data, el númberu de descargues diaries d’estes dos aplicaciones superó la marca de dos millones en tol mundu la selmana pasada. Coles mesmes, WhatsApp vio cayer les descargues a menos d’un millón per día. Magar Facebook sigue apoderando’l mercáu de les aplicaciones de mensaxería, la empresa ta viendo surdir dellos rivales potenciales y va tener que recuperar l’enfotu de los sos usuarios para llindar la so migración a otres plataformes.
Fuente: https://es.statista.com