La prueba d’accesu a la Universidá, la EBAU, va realizase tamién en Tapia de Casariego finalmente. Asina lo decidió la comisión paritaria organizadora, qu’aceptó la ufierta de l’alcaldesa del conceyu, Ana Vigón, d’acoyer los exames nel polideportivu de Tapia, onde se van esaminar los estudiantes de Tapia, pero tamién los d’A Veiga.
D’esta forma, dase respuesta a la comunidá educativa del conceyu, qu’espresara’l so malestar por qu’anguaño fuera L.luarca la see de la prueba nel Noroccidente. Inclusive se convocara una manifestación.
La prueba, d’iguales característiques de la del añu pasáu, foi diseñada por que «los estudiantes tengan les máximes garantíes», señala la organización nun comunicáu.