Esti llunes, 25 de xineru a les 11:30 hores, la Secretaría de Muyer de SUATEA presentaba’l Calendariu “Tiempu de muyeres, muyeres nel tiempu”, que dende va una década distribúyese en tolos centros educativos del estáu y que dedica cada día del añu a una muyer.
El calendariu va acompañáu d’actividaes didáctiques pa realizar col alumnáu de los distintos niveles y anguaño ta dedicáu a les muyeres científiques. Trátase d’una iniciativa que pretende visibilizar les aportaciones de les muyeres nos distintos ámbitos
La presentación facíase na sala de prensa del Conceyu d’Uviéu cola presencia de representantes de la corporación municipal y de la escritora Ángeles Caso. Ya informábase tamién sobre la puesta en marcha per parte de SUATEA Y LA CONFEDERACIÓN DE STES de la campaña “Espaciu llibre de machismu” pa declarar asina a los distintos centros educativos pa sensibilizar alrodiu de una práctica profesional que contribuya a la igualdá y el respetu mutuu.