Snap Inc., la compañía que xestiona la rede social Snapchat, anunció hai poco que de xunetu a setiembre d’anguaño aumentara los sos ingresos un 50% respectu al mesmu periodu de 2018.
Asina, estos algamaron los 446,2 millones de dólares estadounideneses (alredor de 401 millones d’euros), frente a los 297,7 millones (267,6 millones d’euros) de 2018. Amás, la plataforma de los vídeos efímeros aumentó en siete millones el númberu d’usuarios diarios activos hasta algamar los 210 millones. Con tou, la empresa inda ta llueñe de convertise nun negociu capaz de xenerar beneficios. La resultancia neta d’esta foi de 227,4 millones de dólares (205 millones d’euros), cifra que supon prácticamente la metá de los ingresos del trimestre.
Fuente: es.statista.com