Siguen a la venta les entraes pal Conciertu pola Oficialidá

El conciertu pola Oficialidá qu’entama dende hai 24 años la Xunta pola Defensa de la Llingua Asturiana yá tien zarrada la llista d’artistes y tamién el sitiu y la hora: nel Parque Inglés de Xixón, al llau del recintu de la Feria de Muestres, a partir de les 19.30 hores del sábadu 28 d’abril.

Los puntos de venta anticipada son n’Uviéu (Malayerba, L’Esperteyu), Xixón (Café Trisquel, El Barucu), Avilés (El Cafetón), Candás (La Gueta), Tinéu (Mesón Cervantes), Cangas (El Azul), Mieres (L’Abellugu), La Pola L.lena (La Palmera), La Pola Siero (Abre César), Grau (Pub Piero’s), Nava (La Naveta) y L’Entregu (La Semiente).