Sharon Corr, la segunda de “The Corrs”, escoyó Avilés como empiezu de la so xira de presentación del so nuevu discu en solitariu: “The fool and the scorpion”, el terceru tres “Dream of you” y “The Same Sun”. Va ser el próximu 21 de xineru nel auditoriu de la Casa de Cultura.
Corr xúnese asina a la nómina d’estrelles musicales que se pasen pol conceyu desque Camilo estrenara’l so discu n’Asturies al empar que s’estrenaba La Madalena como escenariu musical. La violinista de la conocidísima banda irlandesa -col permisu de “O2”- va una década empecipió la so carrera en solitariu: ella y los sos hermanos decidieron parar y dedicar el tiempu a les families. Sharon Corr movióse por toa Europa y dende fai un par d’años mora en Madrid.
La música de “The Corrs” escuchóse tantu nos noventa y nos principios d’esti sieglu qu’ella y los sos hermanos llegaron a vender más de 45 millones de discos nos años en que tuvieron n’activu. A la violinista tocólu tamién faer los coros a la so hermana Andrea, anque tamién foi la solista de dalgún de los ésitos de la banda que sumó la música celta y tradicional al pop de tola vida.
Corr vieno acabante presentar en Madrid la xira que va pasar esti xineru pola mesma capital, pero tamién Barcelona, Logroño, Zaragoza y Vigo