ConvocatoriesFiestes La Fundación CTIC convoca la segunda edición de los Premios TAW n’Accesibilidá Web by asturnet 14 de setiembre, 2006 La Fundación CTIC convoca col apoyu del Ministeriu d’Industria, Turismu y Comercio y el Gobiernu del Principáu d’Asturies la segunda edición de los Premios TAW n’Accesibilidá WEb que busca que les condiciones físiques o psíquiques de los usuarios sían problema pa navegar pela rede o acceder a la información. Los gallardones, estructuraos en seis categoríes (alministraciones estatales, autonómiques, locales, pymes, grandes empreses y entidaes ensin ánimu de lucru), reconocieron na pasada edición a la Seguridá Social, Cintra, Red Infancia y Poryectu Gadea de la Universidá d’Uvieu. El plazu pa presentar candidatures a esti proyectu termina’l próximu 8 d’ochobre y fáise al travies del formulariu que se puede atopar na páxina Tawdis. 14 de setiembre, 2006 0 FacebookTwitterPinterestEmail
ConvocatoriesFiestes Acampada en Caliao en defensa del Parque Natural de Redes by asturnet 13 de setiembre, 2006 La Plataforma en Defensa del Parque Natural de Redes organiza una acampada solidaria pa los próximos díes 22, 23 y 24 de setiembre nel pueblu de Caliao. Los asistentes a la concentración van conocer de primera mano les demandes d’esti colectu enfotáu na protección de la reserva natural, al tiempu que van poder esfrutar d’escursiones pela zona, nes que van asistir a la berrea de los venaos asina como pasiar pel desfiladeru de Los Arrudos. El vienres día 22 ta prevista la salida n’autobús dende l’edificiu de les conseyeríes de Llamaquique, n’Uvieu con destín a Caliao, onde se va desplicar a tolos participantes el motivu de l’acampada, al travies d’una proyección de diapositives. A lo llargo de los díes que dure la concentración, habrá escursiones pela zona nes que va poder asistise a la berrea de los venaos, asina como a diverses charres y alderiques organizaos por Itoiz, Fundación Rodríguez de la Fuente y la Plataforma de Redes. Les nueches de l’acampada van tar amenizaes por tres velades musicales. L’oxetivu d’esta acampada ye’l de reclamar un cambiu na política del agua n’Asturies y una nueva cultura del agua, refugando instalaciones como’l pretendíu embalse de Caliao. Toles persones interesaes n’asistir a l’acampada pueden contactar colos organizadores al travies de los telefonos 659 602 531, 608 788 368 o 985 24 35 81. 13 de setiembre, 2006 0 FacebookTwitterPinterestEmail
ConvocatoriesFiestes La Conseyería de Cultura caltién abiertu’l plazu pa los sos premios lliterarios n’asturianu by asturnet 12 de setiembre, 2006 La Conseyería de Cultura del Gobiernu del Principáu d’Asturies caltien abiertu’l plazu de recepción d’orixinales destinaos a los premios de novela y poesía en llingua asturiana hasta’l prósimu 16 d’ochobre. Los concursos de poesía y novela tán dotaos con 6.000 euros, amás de la publicación de la obra ganadora. Na pasada edición d’estos premios los ganadores foron Ismael María González Arias, nel premiu de novela, y Xabiero Cayarga nel de poesía. Bases de los premios 12 de setiembre, 2006 0 FacebookTwitterPinterestEmail
ConvocatoriesFiestes ‘Les Filanderes’ convoca’l V Certame Internacional de relatos “Filando cuentos de muyer” by asturnet 11 de setiembre, 2006 El colectivu llangreanu de muyeres “Les Filanderes”, vuelve a convocar el so concursu de relatos ‘Filando cuentos de muyer’, termiando’l plazu pa participar el próximu 17 de setiembre. La temática de los relatos tien de tratar sobre cualasquier aspectu rellacionáu cola realidá de les muyeres, les sos aportaciones nel campu social, cultural, familiar, deportivu, económicu, etc. Y, según les sos bases, van poder participar nel toles persones quieran, independientemente de la so nacionalidá, siempre que les obres tean escrites en castellanu o asturianu. Los orixinales habrán de ser ineditos, nun tar premiaos de primero y tener una estensión máxima de 6 folios y mínima de 3. Presentaranse, mecanografiaos a doble espaciu per una sola cara, en formatu DIN A-4 y encuadernaos, a la siguiente dirección: V Certame Internacional de Relatos Cortos “Filando Cuentos de Mujer” Colectivu sociocultural Muyeres “les Filanderes” C/ Cipriano Pedrosa s/n, Edificiu RENFE 33900 Llangreu Asturies España Nel sobre habrá de constar una plica colos datos del autor, una fotocopia del DNI o pasaporte, el títulu del relatu, mesmo que cinco exemplares del relatu a concursu. El plazu de presentación d’orixinales, pal que se tien un primer premiu de 1200 euros y dos accesit de 300, termina’l próximu 17 de setiembre. Bases completes del concursu 11 de setiembre, 2006 0 FacebookTwitterPinterestEmail
Fiestes La Xunta pola Defensa de la Llingua Asturiana celebra’l Día d’Asturies con una espicha popular by asturnet 7 de setiembre, 2006 Como yá fixere l’añu pasáu, la Xunta pola Defensa de la Llingua Asturiana va entrar nel Día d’Asturies celebrando esta nueche una espicha puplar en La Casa Posafuelles. La espicha, que va empezar a partir de les nueve la nueche, va contar cola actuación de la bandina La Curuxa a partir de les once. 7 de setiembre, 2006 0 FacebookTwitterPinterestEmail
ConvocatoriesFiestes L’Asociación de Muyeres ‘Valdés Siglo XXI’ convoca’l IV Certame de Poesía Nené Losada Rico by asturnet 7 de setiembre, 2006 L’Asociación de Muyeres ‘Valdes Siglo XXI’ convoca Certame de Poesía Nene Losada Rico qu’esti añu llega a la cuarta edición. El Certame, al que pueden presentase poemarios n’asturianu o castellanu,ta dotáu con un premiu de 1.000 euros, asina como un diploma pa cada modalidá. El plazu de presentación d’orixinales termina’l próximu 5 d’ochobre. Les obres, de les qu’han de mandase cinco copies, tienen de remitise a la dirección Cai Los L.lagos, s/n 33787, de Barcia (Valdes). 7 de setiembre, 2006 0 FacebookTwitterPinterestEmail
Fiestes El Portal abre les fiestes con un espectáculu de la compañía de teatru Contraste by asturnet 6 de setiembre, 2006 El grupu de Teatru Contraste va ser l’encargáu de dar un orixinal pregón pa inaugurar les Fiestes del Portal, en Villaviciosa, el próximu xueves 7 de setiembre a partir de les nueve y media la nueche. Nel espectáculu que va durar dos hores, nun van faltar, xunto a la música y la escenografía de los actoros, otros elementos normales d’esti tipu d’actos, como’l pregoneru, la salutación del alcalde y la imposición de bandes a les Dames y la Reina les fiestes. Pastora Soler y Los Tres Sudamericanos van ser los encargaos de poner música a les fiestes maliayes. Con esti espectáculu basáu nun llamativu despliegue de recursos tecnicos y humanos, del que s’espera que sía dinámicu, mui visual y llenu de ritmu y música, quier ufiertase muncho más qu’un pregón, propniendo una escenografía de gran formatu, dafechu inedita y orixinal, que supón un nuevu conceptu ya interpretación de los tradicionales pregones de les fiestes. Los festeyos del Portal, que cuenten con una inversión de 130.000 euros, van combinar les actuaciones musicales de cantantes como Pastora Soler y Los Tres Sudamericanos, con prebes deportives y actividaes pa neños, amás, por supuesto, de la tradicional xira, un mercáu d’artesanía, la esposición de ganao y un concursu a la meyor sidra. 6 de setiembre, 2006 0 FacebookTwitterPinterestEmail
Fiestes Xixón echa sidra per un tubu na XV edición del Festival de la Sidra Natural by asturnet 24 d'agostu, 2006 El Festival de la Sidra Natural de Xixón celebra esta fin de selmana la so XV edición, razón pola que Ivan Alvarez Raja, conceyal de Festeyos del Ayuntamientu, y Carmen Veiga, xerente del Teatru Xovellanos, anunciaron los ‘tres grandes hitos’ d’esta nueva convocatoria: el concursu d’escanciadores y el record mundial d’escanciáu simultáneu mañana vienres; la representación de los Cancios de chigre’l sábadu día 26; y la consumición, el domingu, de 35000 botelles de sidra nos 10000 vasos que se van poner a la venta nel festival col estrenu de nueva mascota, Berta, p’acompañar al popular trasgu que ye mascota del certame. Buscando ‘rindi-y cultu al nuestru productu más característicu’, según Alvarez Raja, la playa de Poniente, en Xixón, va axuntar mañana a los meyores profesionales del sector nel concursu d’escanciadores, a los que van seguir los non profesionales tratando de batir el record mundial d’escanciáu simultáneu de 4387 culinos. Na busca de ‘recuperar la tradición oral que se va perdiendo’, el sábadu van sonar na Plaza Mayor los populares Cancios de chigre, como antaño se sentíen peles sidreríes asturianes. Mentes que’l domingu 27 van ser 35000 botelles de sidra les que se van poner a disposición de los visitantes que, amás, tamien van poder conocer a la pareya de Berto, el trasgu que ye mascota del certame. Col nome de Berta, la so estampa va ser grabada na mitá de los 10000 vasos que se van sacar a la venta estos tres díes en Xixón nel so fin de selmana más sidreru. 24 d'agostu, 2006 0 FacebookTwitterPinterestEmail
ConvocatoriesFiestes La Fundación Manuel Nevado Madrid convoca’l III Concursu de Relatos Mineros by asturnet 24 d'agostu, 2006 La Fundación Manuel Nevado Madrid ta acabante de convocar la tercer edición del so concursu de Relatos Mineros Curtios. Les hestories, qu’han de tocar cualasquier temática rellacionada col mundu de la minería de cualasquier país, nun podrán pasar de 20 ringleres a cuerpu 12 y van poder presentase mesmo en castellanu que n’asturianu siempre y cuando sían inedites y nun fueren premiaes en dengún otru concursu. El xuráu va escoyer ente los relatos presentaos, alxudicando un primer premiu de 1000 euros, más un lote de llibros y un grabáu de Manuel Calvo. Les obres n’asturianu tendrán un accesit de 300 euros, más un grabáu y un lote de llibros valoraos en 200 euros. Per otra parte, tamien se cunta con otros dos accesit de 300 euros cadún: ún pal testimoniu hestóricu y otru pa los autores menores de ventiseis años. Les obres habrán de presentase per correu postal a la Fundación Juan Muñiz Zapico, indicando que ye pal concursu de Microrrelatos Mineros ‘Manuel Nevado Madrid’, na cai Santa Teresa, 15, Códigu Postal 33005 d’Uvieu. 24 d'agostu, 2006 0 FacebookTwitterPinterestEmail
Fiestes Nava acueye la celebración d’un Día d’Asturies nel que va españar la música asturiana by asturnet 18 d'agostu, 2006 El director d’Actividaes Festives, Gonzalo Alonso, anunció’l programa de festeyos pola celebración del Día d’Asturies, que nesta nueva edición va tener llugar en Nava los díes 7 y 8 de setiembre. Ente les atracciones y novedaes d’esti añu destaquen dos grandes descargues de fueos artificiales que van marcar les dos nueches asturianes, nes que los conciertos van correr a cargu de Pablo Moro, Nacho Vegas y Manta Ray na víespora del día 8, y de Xulio Ramos, La Bandina y Llan de Cubel nel día grande. Con motivu de tala celebración, y l’alta previsión d’asistencia, l’alcade navetu, Claudio Escobio anunció negociaciones con Feve y dalgunes empreses d’autobuses pa reforzar los tresportes nuna fiesta d’asturianía nel que tamien va poder visitase un mercáu astur, la esposición ‘Mujer y deporte en Asturias’, degustar sidra y ver la esposición d’instrumentos de música asturiana, amás d’otres actividaes que se contemplen nos venti mil folletinos que se van repartir en castellanu y n’asturianu. 18 d'agostu, 2006 0 FacebookTwitterPinterestEmail