Cine

La conceyalía de Cultura d’Avilés, nel so compromisu de desenvolver acciones culturales accesibles en tola ciudá, llanza’l proyectu “Cine nos Barrios”, que va dexar la exhibición de trés películes destinaes al públicu familiar nos centros culturales de La Lluz, La Carriona y Los Canapés, nos meses de marzu, abril y mayu y qu’entama esti niernes en Los Canapés.

La galardonada road movie Nomadland y la serie de televisión The Crown volvieron repitr trunfu nos premios Critics Choice en ganando na pasada edición de los Globos d’Oru.

Blow up (deséu d’una mañana de branu), la película de Michelangelo Antonioni va ser la protagonista del Cine del Atenéu que va tener esti miércoles una nueva sesión nel Centru Municipal Integráu Atenéu de La Calzada.

“Muyeres en primer llínea frente al coronavirus”. Ye’l títulu del documental encargáu pola conceyalía d’Igualdá del Conceyu d’Avilés, que recueye’l testimoniu de 15 muyeres trabayadores que desempeñaron y desempeñen la so xera profesional nel caltenimientu de servicios esenciales na llucha contra la pandemia.

Nel marcu del proyectu européu Wom@rts, la conceyalía de Cultura d’Avilés -de la mano de la Factoría Cultural y la Fundación Municipal de Cultura-, entama’l ciclu cinematográficu “Muyeres tres la cámara”, cola proyección de cinco películes y documentales empobinaos por realizadores de prestíu internacional. La primera, ‘L’ìle de Chelo’, va tener llugar el 8 de marzu, Día Internacional de la Muyer.

Esti sábadu celebrase la qu’ensin dulda va ser la gala más atípica de los Premios Goya. Ensin invitaos y colos nomaos ausentes, la ceremonia va ser conducida por Antonio Banderes y María Casáu dende Málaga, teniendo tamién a ‘Adú’ como favorita tamién en taquilla.

Xixón ye una de les sedes de la XXX Biañal Internacional de Cine Científicu (BICC), un certame internacional que se creó en 1977 como unu de los primeros festivales dedicaos al audiovisual que se xenera dende y pa la ciencia n’España, Europa y Llatinoamérica.

Llaboral Cinemateca llanza una nueva convocatoria del Programa de patrocinios pa proyectos cinematográficos asturianos, nun nuevu apueste pol desenvolvimientu y fortalecimientu del sector audiovisual de la rexón.

En plena nube política poles sos diferencies cola ministra d’Igualdá, Irene Montero, la vicepresidenta Carmen Calvo ufiertó ayeri un respaldu entusiasta a l’Asociación de Muyeres Cineastes (VISU) na so Primer Xornada sobro’l programa Impulsa, que promueve les obres audiovisuales escrites y realizaes por muyeres.