Esti xueves, 8 d’ochobre, entama’l V Congresu Internacional Riaices 2015 d’Innovación na educación superior que va desenvolviese hasta’l domingo n’Uviéu.
El Centru UNESCO del Principáu d’Asturies, una entidá ensin ánimu d’arriquecimientu que participa de la misión y actividaes de la UNESCO enrama estos díes 8,9 y 10 d’ochobre’l V Congresu de la *RIAICES (Rede Ibero-Americana d’Investigación sobre la Calidá na Educación Cimera) baxu’l títulu “Innovación na Educación Cimera: Desafíu y Propuestes”. Un congreso que va cunear cola collaboración de la Universidá d’Uviéu, la UNED y la Conseyería d’Educación y Cultura del Principáu d’Asturies y el Ministeriu d’Educación, Cultura y Deporte del Gobiernu d’España y l’Organización d’Estaos Iberoamericanos.
La RIAICES ta integrada por más d’un centenar de docentes, la mayoría d’ellos con responsabilidaes de xestión académica (Rectores, Decanos, Directores de Departamentu, Coordinadores de Grupos d’Investigación, etc.), magar los Congresos qu’entama tán abiertos a la participación de cualesquier docente venceyáu cola Educación Superior, y tamién al personal investigador que la so esmolición sía la innovación nes Instituciones d’Educación Cimera.
Esti eventu de calter internacional entámase añalmente nun país distintu d’Iberoamérica y, nesta ocasión, va rexuntar na capital asturiana a diverses autoridaes académiques d’universidaes europees y llatinoamericanes, profesoráu, estudiantes, investigadores y otres persones interesase nel tresformamientu constante de la Educación.
El Congresu combina ponencies, paneles d’espertos, y meses de comunicación col enfotu de favorecer la comunicación ente los asistentes, l’intercambiu d’esperiencies y l’aprendizaxe interprofesional. Pa ello hanse plantegáu seis grandes exes temátiques en coherencia colos ámbitos fundamentales de los desafíos y propuestes que, dende la innovación, tán plantegándose nel ámbitu de la Educación Superior:
• Polítiques sobre Educación, xestión y lideralgu en docencia ya investigación
• Formación del Profesoráu en docencia ya investigación pa la innovación
• Evaluación y calidá como ameyora del sistema universitariu
• Metodoloxíes innovadores, TIC y Virtualidá
• Movilidá ya internacionalización
• Empleabilidá y responsabilidá social de les Instituciones d’Educación Cimera.
L’actu d’inauguración, presidíu pola Directora Xeneral d’Universidaes va tener llugar gëi día 8 d’ochobre nel Palaciu de #Congreso “Ciudad d’Uviéu” y el programa del congresu pue consultase na so web.