La conceyala responsable de la área, Lourdes García, participó na última sesión celebrada ayeri en Vallobín. Gracies a estos talleres, impartíos pola asociación Entrecanes, los menores participantes nel programa de conciliación familiar qu’ufierten los centros sociales d’Uviéu, pudieron aprender normes de convivencia y bienestar animal.
La conceyala de Centros Sociales, Lourdes García, participó esti día nel postreru de los talleres “CANVIVIR” que se desenvolvieron en 6 centros sociales dende principiu de mes. Esta actividá, desenvuelta per segundu añu consecutivu, tuvo dirixida a menores d’ente 6 a 12 años, participantes nel programa de conciliación familiar qu’ufierten los centros sociales mientres les vacaciones de branu.
Gracies a estos talleres impartíos pola asociación Entrecanes, los pequeños aprendieron normes de convivencia y bienestar animal. La conceyala sorrayó qu’esta actividá “ye una de les munches que se realicen nos centros sociales del nuesu conceyu, centros que queremos convertir n’espacios dinamizadores de l’actividá pa tolos públicos”.