El Proyectu Marcela para la meyora de les competencies llaborales de 15 muyeres remata la fase de formación grupal col alcuentru “El empoderamientu p’aportar a quien yes” na Escuela d’entamadores y Empresaries d’Asturies n’Avilés.
El Conceyal de Promoción Económica, Manuel Riola, va presentar el vienres día 23 a les 10 hores esti alcuentru qu’inclúi la entrega de diplomes a les muyeres participantes nesta iniciativa municipal y que va dar pasu a los itinerarios individualizaos con caúna d’elles.
L’oxetivu del Proyectu Marcela ye ameyorar la proactividad, l’empoderamientu y la empleabilidá de les 15 muyeres participantes al traviés d’un conxuntu d’acciones formatives grupales y del desenvolvimientu d’itinerarios individualizaos con cada muyer. Estes actuaciones, tantu grupales como individuales, déxen-yos adquirir y/o ameyorar aquelles competencies personal y llaboral necesaries para l’accesu o reincorporación al mercáu llaboral.
Tratase d’un proyectu sosteníu nel tiempu que s’empecipió n’ochobre de 2017 y que remata n’avientu de 2018. Esta duración dexa entrenar y interiorizar nueves conocencies y habilidaes con una metodoloxía totalmente personalizada, práctica y vivencial.
L’Alcuentru que va tener llugar el día 23 de marzu va cuntar cola presencia de Marisa Valle Roso, cantante de tonada; Laura Viñuela, feminista y consultora de xéneru, y Lucía Rodríguez Olay, premiu 7ª meyor docente d’España. Nun ye necesariu inscripción previa. Places disponibles hasta completar aforu.