Representantes de la Corporación municipal encabezaos pol Alcalde, Alfredo Canteli, participaron esta selmana na recepción que l’Asociación Ástur-Lleonesa d’Amigos del Camín de Santiago realizó a la francesa Nicole Baillehache, escoyida como la Pelegrina del 2019.
L’Asociación Ástur-Lleonesa d’Amigos del Camín de Santiago celebró esta selmana la recepción al Pelegrín del añu” que se celebra nel Albergue El Salvador el día previu a la festividá de Santiago Apóstol. Esti 2019, la reconocencia recayó na francesa Nicole Baillehache, qu’entamó’l camín dende Santander. Al actu allegaron dellos miembros de la corporación municipal encabezaos pol Alcalde, Alfredo Canteli, que cola so presencia quixo amosar el compromisu del nuevu equipu de gobiernu col Camín. El rexidor comprometióse a impulsalo y revalorizalo” con trabayos de llimpieza y señalización a partir d’ochobre. Midíes coles que s’espera frenar el llixeru descensu de pelegrinos rexistráu nel albergue El Salvador, pol que pasaron 3.000 persones no que va d’añu. L’Alcalde sorrayó la importancia d’acometer estes meyores para consiguir que “Uviéu sía un ríu de pelegrinos” en 2021, añu Xacobéu.
A esti actu tamién allegaron el conceyal de Turismu, Alfredo García Quintana, la Teniente d’Alcalde, Conchita Méndez y los conceyales Diego Valiño, Fidel Rodríguez, Llucía Falcón y Rubén Rosón. recibiéron-yos el tesoreru de l’asociación, Pablo Sánchez, y los miembros de la directiva, Lourdes Campillo, Maribel Sáenz y Antonio Vázquez.