L’escritor y cineasta Ramón Lluís Bande (Xixón, 1972) presenta güei, xueves 27 d’agostu, el so llibru últimu Les habitaciones vacies, onde axunta la so narrativa. La presentación va tener llugar na carpa instalada pol Gremiu d’Editores Asturianos nel paséu de Begoña por mor del VII Salón del Llibru Asturianu, a les 19:00 hores.
Les habitaciones vacies, espublizáu por Ámbitu axunta salió a la cai na primavera pasada y va tener nos próximos meses una edición en castellanu de mano de la editorial Caballo de Troya.