La emisora Radio Sele pasar per importantes dificultaes económiques que faen que-yos seya complicao pagar el llocal y otros gastos. Los interesaos en collaborar económicamente con Radio Sele, pueden facelo na cuenta d’Asociación Cultural Secha (Caxa Rural): 2059 0001 18 2366328629.
Radio Sele emite n’asturianu dende Uviéu y dende febreru de 1986. En 1999 dieron-y llicencia comercial baxo’l gobiernu de Sergio Marqués colo que pudo ampliar la so cobertura, anque un par d’años dempués, tres de que Vicente Álvarez Areces algamara la presidencia asturiana, quitó-yosla acordies con un recursu empobináu por otra empresa asturiana. Anque Radio Sele venció nos tribunales, nun recuperó l’espaciu.