La residencia empresarial Cristasa foi l’escenariu de la presentación d’esti proyectu, Sé Dixital, de capacitación ciudadana pal desenvolvimientu empresarial y retención del talentu local.
El proyectu de capacitación ciudadana pal desenvolvimientu empresarial y retención del talentu local “Sé dixital” llega a la ciudá avilesina, de la mano de la Escuela d’Organización Industrial (EOI) y Orange.
En tan solo seis selmanes faise un percorríu poles ferramientes,habilidaes y conocencies necesaries pa empecipiar el to propiu proyectu dixital. Esti cursu gratuitu online combina l’esitosu métodu MOOC (Cursos Masivos OnLine y Abiertos) con un enfoque local, pa identificar les oportunidaes de negociu dixitales y vender a tol mundu ensin salir de la ciudá.
Al traviés del programa “Sé dixital”, va formar a más de 7.000 persones en toa España interesaes en conocer les oportunidaes de negociu que pueden brinda-yos les TIC pa participar na nueva economía global dende la localidá.