Presentación en Xixón del llibru “La tele que queremos; televisión pública y reivindicación llingüística n’Asturies”.

Esti xueves 21 de xunetu nel Toma 3 (cai Marqués de Casa Valdés 27, Xixón), a partir de les 17,30 hores vamos presentar esti trabayu y aldericar sobre medios de comunicación con Esther Prieto, Xosé Ambás, Antón Reixa, Pablo Quiroga, Carlos Suari y tola xente que quiera averase al actu.
Esti llibru recueye los documentos ellaboraos nos últimos años pola Xunta pola Defensa de la Llingua Asturiana (XDLA) sobre la presencia del nuestru idioma nes emisiones de la RTPA. Documentos que van dende los años noventa, cola reivindicación pola puesta en marcha d’una televisión autonómica 100 % n’asturianu, hasta l’actualidá, col nacimientu de la RTPA y la necesidá, cada día más evidente, de convertila nuna ferramienta al serviciu de la normalización del asturianu.