Una baillarina india que busca al traviés de la danza la lliberación del so dueñu opresor recuérdanos los horrores del aire que quema de les bombes atómiques esta tarde nel Xovellanos.
Una muyer sola cánta-y al amor que foi ya inventa un pueblu imaxinariu sedientu d’aire. Un baillarín de danza urbana sigue les buelgues de los sos pasos, buscando unos raigaños que yá perdió atopándose coles sos posibles reencarnaciones. Un mozu filósofu en busca de la verdá traviesa un desiertu ensin agua para’l so cuerpu cansáu. Les muses y el so deseos distrayer. Un inventor ciegu col so parafernalia y achiperres intenta buscar el soníu de la amígdala para volver conectar los homes y les muyeres. Toos ellos atópense nun desiertu ensin nome para recuperar l’aliendu vital perdíu quiciabes en cualos de les batalles del home. Nun importa quién yes, cuánto tiempu y cuánto dineru tienes, la última guerra, la más dura, enfrentónos a la prueba más difícil. La especie en riesgu d’estinción bazcuya, vive en ciudaes sobro poblaes de soledá, onde la boca tapada pola contaminación da pasu a la esperanza perdida de (re)atopase. Ellí atópense los sos pasos, ellí alienden xuntos…. Ellí báillenlu y cántenlu a la vida que foi.
Teatro Xovellanos
10 de febreru de 2023 a les 20:30