Portada Sociedá Peter T. Ricketts da una conferencia n’Uviéu

Peter T. Ricketts da una conferencia n’Uviéu

by asturnet

“La pastorela medieval francesa y la so posteridá”. Esti ye’l títulu de la conferencia que va dar Peter T. Ricketts, Profesor Eméritu de la Universidá de Londres y Profesor Honorariu del Departamentu de Francés de la Universidá de Birmingham, el próximu miércoles 26 d’ochobre, a les doce la mañana, nel Salón d’Actos de la Biblioteca d’Humanidaes, na Facultá de Filosofía y Lletres de la Universidad d’Uviéu.

Na conferencia l’autor va estudiar les característiques d’un xéneru: la pastorela, común a la lliteratura francesa (pastourelle) y a la d’otros países europeos.

Peter T. Ricketts

Profesor Honorariu de Francés na Universidá de Birmingham y Profesor Eméritu de la Universidá de Londres, Peter T. Ricketts ye posesor d’una prolífica y notable carrera nel dominiu de la Filoloxía Románica, y en particular nel ámbitu de los Estudios Occitanos.

A lo llargo de cuatro décades de publicaciones (llingüístiques y lliteraries), los medievalistes de toa índole atoparon en Peter Ricketts a un editor espertu, un gran filólogu y a un investigador dotáu d’una gran habilidá y sensibilidá pa interpretar los manuscritos medievales.

Tamién te podria gustar