Redacción.
Mañana a les 7 la tarde va entregase’l Premiu Teodoro Cuesta 2006 de poesía a Pablo Rodríguez Medina y Pablo Texón, ganadores de la última edición del prestixosu galardón. El premiu va entregalu l’alcalde de Mieres, Luis María García. La entrega va facese al pie de la estatua de Teodoro Cuesta.
Pablo Rodríguez Medina ñaz en L’Entregu en1978. Ye llicenciáu en Filoloxía Hispánica y Especialista en Filoloxía Asturiana. Algamó delles distinciones como’l Xosefa Xovellanos, pola novela L’Arna de San Atanás o’l de creación lliteraria de l’Academia de la Llingua Asturiana por Les vueltes, toles vueltes, amás de munchos otros, lo mesmo en castellán que n’asturianu.
Pablo Texón ñació en Felechosa, conceyu d’Ayer. Estudió Filoloxía Hispánica y ye especialista en Llingua Asturiana. Na so carrera lliteraria algamó dellos premios como’l de la Tertulia El Garrapiellu, Fernández Lema, Cartes d’Amor, Art Nalón o’l Nene Losada Rico. Tien espublizaos llibros como Catedral. Amás, ye militante de la Xunta pola Defensa de la Llingua Asturiana.