Manuel González Orviz va ser el candidatu d’IX a les primaries d’Agora en mancomún, después de que’l conseyu políticu de la formación lo decidiera esti miércoles.
El Conseyu político d’IX decidió presentar al actual coordinador xeneral al procesu p’allegase a les elecciones xenerales, previstes pal próximu mes d’avientu. Fízolo con 51 votos a favor, unu en contra y 12 astenciones.
La presidencia d’IX aldericara antes la candidatura de Manuel González Orviz, que fuera propuestu a pidimientu de la Comisión Electoral que se formara nes selmanes anteriores pa encarar el procesu electoral.
González Orviz aseguró, tres la so designación, que l’oxetivu agora ye impulsar, al traviés d’un ampliu bloque de la esquierda alternativa, política y social, algamar la máxima representación nel Congresu.