El Conceyu d’Avilés, al traviés de la área de Servicios Sociales y en collaboración cola Área Sanitaria III, entama una nueva edición de talleres empobinaos a persones cuidadores de familiares dependientes. Van Ser dos los talleres que se desenvuelvan de manera paralela en dos sedes distintes, en Villalegre y La Carriona.
Nestos talleres, amás de trabayase aspeutos rellacionaos col autocuidado de los cuidadores al traviés de la xestión d’emociones, distintos profesionales de campos como’l sanitariu, el llegal, el participativu, o’l social, van impartise técniques y conocencies p’ameyorar los cuidos a les persones dependientes.
Cada unu de los dos talleres va cuntar con 8 sesiones, que van tener llugar un día a la selmana, con una duración de 2 hores:
Taller en La Carriona. Martes de 11 a 13 hores. Centru Sociocultural de La Carriona (C/Castiella, 13). Día d’entamu: martes 19 de setiembre Taller
en Villalegre. Vienres de 10:30 a 12:30 hores. Centru de Servicios Municipales “El Focu” (C/Santa Apolonia, 126). Día d’entamu: vienres 22 de setiembre.
Les persones interesaes n’informase o inscribise nestos talleres entá pueden hacerloen los siguientes númberos de teléfonu: 985 549 225 / 668 897 551. Van Tener preferencia pa la participación nel taller les persones cuidadores que moren nel conceyu d’Avilés.