El XIII Premiu de Poesía Fernán Coronas que cada añu convoca la Sociedá Popular ‘La Regalina’ de Cadaveu foi esti añu pal poemariu que llevaba por títulu ‘Nordes’ de la escritora Carmen Guardado Parga. Guardado, que trabaya como maestra de Primaria y que ye miembru de l’Asociación de Poetes Valdesanos ‘Alfonso X El Sabio’, nun tenía hasta agora denguna obra espublizada.
El xuráu del que ye miembru la escritora Nene Losada Rico estimó l’usu de la fala de la escritora de L.luarca, que va recibir el galardón l’últimu domingu d’agostu, coincidiendo coles tradicionales fiestes de La Regalina en Cadaveu.