Baxo’l nome d’ “Algama” ta acabante de nacer una asociación asturiana de calter asambleariu, que busca ufiertar una respuesta dende les fronteres asturianes pa concienciar a la sociedá, al travies de la denuncia y la llucha contra’l maltratatu en toles sos cares, dende la violencia de xeneru hasta’l maltratu infantil.
Algama manifiestase por una sociedá ‘xusta, educada n’igualdá y que nun se quede callada’, por eso n’Algama se busca ‘na llucha dende la cai pa denunciar mediante campañes, charres, manifestaciones y actos de toa mena, el maltratu y toles sos repercusiones, concienciando a la sociedá asturiana, del por que de les causes y la importancia de nun quedase en silenciu ente les agresiones’.
El colectivu Algama ta autoxestionáu polos sos miembros, financiándose únicamente cola participación de los participantes y la solidaridá de la xente que los apoye.