N’ast pide que’l modelu nuevu de “Tarxeta ciudadana” de Xixón vaiga tamién n’asturianu

Énte l’anuncia de que’lConceyu de Xixón sacó a llicitación el suministru y personalización de les tarxetes ciudadanes pa los dos años vinientes, por un preciu global de 221.000 euros, dende l’asociación N’Ast esixen que la edición de tales tarxetes se faiga de manera billingüe, combinando y asitiando’l mesmu nivel les llingües asturiana y castellana.

La realización de tarxetes ciudadanes de calter billingüe, recuerden, “ye perfechamente posible dientro del actual marcu xurídicu”, polo que dende la so perspeutiva, afirmen, “nun hai denguna escusa pa nun recoyer la llingua propia del País, de la nuesa cultura y de gran parte de la ciudadanía”.