N’ast felicita al ciudadanu que reclamó l’usu de la toponimia oficial a ALSA

L’asociación cultural asturiana, N’ast, ta acabantes d’asoleyar un comunicáu nel que felicita a Vítor Suárez pol so compromisu cola llingua asturiana, dempués de que consiguere que la compañía ALSA se comprometiere a usar la toponimia tradicional y oficial d’Asturies.

Asina dende N’ast feliciten a Vítor Suárez pol “ésitu na normalización social de la llingua”, y, amás, agradece-y “el so exemplu combativu ente la pasividá de milenta actores sociales yá institucionales”.