Migoya diz que De Lorenzo “nun fizo nada por oficializar los topónimos d’Uviéu”

Ana Rosa Migoya, Conseyera d’Alministraciones Públiques y Portavoz del Gobiernu d’Asturies contestó estos díes a les declaraciones de Gabino de Lorenzo nes que l’alcalde pidía “esforciase pa que nun se pierda l’asturianu” al Gobiernu. La Conseyara contratacó, recordando siempres la postura de negativa a la oficialidá de la FSA-PSOE, pero recordando que’l Gobiernu asturianu “lleva trabayando munchos años y con munchu rigor” y que De Lorenzo “nun entamó los procesos pa poner en marcha la oficialización de la toponimia tradicional n’Uviéu”.

Migoya recordó que n’avientu del 2006 teníen un conceyu prepraáu, que l’ayuntamientu d’Uviéu suspendió y dende’l que “nun sabemos nada dende’l Gobiernu”.Amás recordó, que’l so proyeutu de presupuestu pa 2008, “lleva una xuba del 25% pa política llingüística”.