Metallica tien nuevu single. La banda presentó esti llunes la tema ‘Moth Into Flame’, acompañáu d’un videoclip que foi publicáu en Youtube. Tres hores dempués del so llanzamientu, el vídeu rexistraba yá más de 260.000 visualizaciones.
El pasáu mes d’agostu la banda anunció’l llanzamientu del so nuevu discu ‘Hardwired…To Self-Destruct ’, que va ver la lluz el próximu 18 de payares y va suponer la publicación del so undécimu álbum d’estudiu, tres ocho años de silenciu.