Metallica, John Legend, Carrie Underwod y Keith Urban van actuar na 59 edición de los premios Grammy, sigún anunció esti miércoles l’Academia de la Grabación nun comunicáu.
Los miembros de Metallica James Hetfield y Lars Ulrich tán nomaos nesta ocasión al meyor cantar rock con Hardwired, ente que Underwood aspira a llevase’l galardón de meyor actuación country en solitariu con Church Bells. Amás, Urban postulase al meyor álbum de country con Ripcord y a la meyor actuación country en solitariu por Blue Ain’t Your Color.
Legend, pela so parte, podría decantase sobre l’escenariu por Start a fire, unu de les temes que componen la banda sonora orixinal del musical La La Land, recién ganadora de siete Globo d’Oru.