L’Asociación Xuvenil Abiertu hasta l’Amanecer convoca’l so X Cursu de Formación de Mediador/as n’Ociu Nocherniegu Xuvenil dirixíu a mozos, asociaciones xuveniles, conceyalíes de mocedá, etc. El cursu ye gratuitu y ta abiertu a persones de toa España.
Tratase d’un cursu empobináu a formar grupos de profesionales que tean en contactu directu cola mocedá, dende la metodoloxía de la participación y l’intervención comuñal, pa que sían los mesmos mozos y moces los que pongan en marcha remanes preventives en drogodependencies nel marcu del ociu xuvenil nes sos localidaes.
El cursu tien dos fases:
1ª fase: Xixón, 25 al 28 de febreru
2ª fase: Sant Boi de Llobregat, 24 y 25 de xunu
El cursu ye gratuitu, y van tar cubiertos los gastos de matrícula, agospiamientu y mantención. Les persones participantes namá tendrán de faese cargu de los sos gastos de desplazamientu.
Pa inscribise hai de ponese en contactu con Abiertu hasta l’Amanecer nel teléfonu 985 31 34 01 o la web abiertohastaelamanecer.com.